Bakı. Trend:
AFFA-nın İntizam Komitəsinin iclası keçirilib.
Trend-in məlumatına görə, iclasda 27-ci tutun oyunları ilə bağlı bir sıra qərarlar qəbul olunub.
Premyer Liqanın XXVII turunun “Zirə” – “Neftçi” matçında “Neftçi” klubunun 5 futbolçusu sarı vərəqə ilə cəzalandığı üçün klub 800 manat cərimə olunub. Oyunun 68-ci dəqiqəsində “Neftçi” klubunun heyətində əvəzetmə zamanı limit pozulmasına görə kluba 0:3 hesablı texniki məğlubiyyət verilib.
“Qarabağ” – “Sumqayıt” matçında isə “Qarabağ” klubunun 4 futbolçusu sarı vərəqə ilə cəzalandığı üçün klub 800 manat cərimə olunub.