Bakı. Maksim Tsurkov - Trend:
Azərbaycanın bədii gimnastı Jalə Piriyeva Bakıda keçirilən IV İslam Həmrəyliyi Oyunlarında topla hərəkətlərin yekunu üzrə qızıl medal qazanıb.
Trend-in məlumatına görə, J.Piriyeva finalda 17.550 bal toplayaraq bütün rəqiblərindən üstün olub.
Digər gimnastımız Marina Durunda isə 15.800 balla üçüncü olub.
Gümüş medal isə Özbəkistan idmançısı Anastasiya Serdyukovaya nəsib olub - 16.950 bal.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.