İlk xəbər saat 13:49-da yayılıb
Bakı. Trend:
Bakı-2017 IV İslam Həmrəyliyi Oyunlarında stolüstü tennis turniri davam edir.
Trend-in məlumatına görə, kişilərin fərdi mübarizəsində təmsilçimiz Yu Şin Hanq BƏƏ idmançısı Salah Aldin Albaluşini 4:0 hesabı ilə məğlub edərək növbəti - 1/8 final mərhələsinə yüksəlib.
Qadınların fərdi yarışında isə təmsilçimiz Miao Vanq fələstinli tennisçi Ahd Menavidən üstün oyun nümayiş etdirərək 1/4 finala çıxıb.
Daha bir qadın tennisçimiz Jinq Ninq isə Maldiv adalarının təmsilçisi Aminat Şiura Şərifi məğlub edərək (4:0) 1/4 finala vəsiqə qazanıb.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.