Bakı. Trend:
Bakı-2017 IV İslam Həmrəyliyi Oyunlarında Azərbaycan taekvandoçusu bürünc medalla kifayətlənib.
Trend-in məlumatına görə, 63 kq çəki dərəcəsində mübarizə aparan idmançımız Məhəmməd Məmmədov yarımfinalda Qazaxıstan təmsilçisi Alimjan Serikbayevlə qarşılaşıb.
Finala gedən yolda büdrəyən M.Məmmədov taekvandoçularımızın aktivinə bürünc medalı yazdırıb - 7:8.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.