Bakı. Trend:
Bakı-2017 IV İslam Həmrəyliyi Oyunlarında stolüstü tennis yarışları davam edir.
Trend-in məlumatına görə, qadınların fərdi mübarizəsində təmsilçimiz Jinq Ninq finalda türkiyəli tennisçi Mələk Hu ilə qarşılaşıb.
M.Hu daha dəqiq oynayaraq qızıl medal qazanıb - 4:0 (13:11, 11:4, 12:10, 11:4).
Digər tennisçimiz Miao Vanq isə üçüncü yer uğrunda iranlı Neda Şahsavari il qarşılaşaraq bürünc medala sahib olub.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.