Bakı. Trend:
Əmlak Məsələləri Dövlət Komitəsinin sədri Kərəm Həsənov bu gün Dubay Ticarət və Sənaye Palatasının sədri Məcid Səif Əl Ğureyrin başçılıq etdiyi nümayəndə heyətini qəbul edib.
Komitə sədri xarici dövlətləri təmsil edən, o cümlədən Birləşmiş Ərəb Əmirliklərindən olan potensial investorlar üçün Azərbaycanda münbit investisiya mühitinin olduğunu vurğulayıb.
Görüşdə komitə tərəfindən digər təşkilatçılarla birlikdə 22-24 noyabrda Bakıda RecExpo II – Beynəlxalq Daşınmaz Əmlak və İnvestisiya Sərgisinin keçiriləcəyi barədə də məlumat verilib və Birləşmiş Ərəb Əmirliklərinin şirkətləri sərgidə iştirak etməyə dəvət edilib.
Görüşdə Azərbaycan və Birləşmiş Ərəb Əmirliyi arasında ikitərəfli əməkdaşlıq çərçivəsində dövlət əmlakının özəlləşdirilməsi və investisiyaların cəlb olunması sahəsində geniş təcrübə və məlumat mübadiləsi həyata keçirilib.