...

Expressbank MasterCard ilə əməkdaşlığı daha da genişləndirir

İqtisadiyyat Materials 26 Dekabr 2016 11:30 (UTC +04:00)
Beynəlxalq ödəniş sistemləri ilə daha sıx əlaqələrin qurulması və müştəriləri üçün son innovativ imkanların artırılmasının marağında olan Expressbank MasterCard ödəniş sistemi ilə münasibətlərin yeni dövrünə imza atıb.
Expressbank MasterCard ilə əməkdaşlığı daha da genişləndirir

Bakı. Trend:

Beynəlxalq ödəniş sistemləri ilə daha sıx əlaqələrin qurulması və müştəriləri üçün son innovativ imkanların artırılmasının marağında olan Expressbank MasterCard ödəniş sistemi ilə münasibətlərin yeni dövrünə imza atıb.

Bankdan Trend-ə verilən məlumata görə, MasterCard tərəfindən Expressbank-a təqdim olunmuş Prinsipal üzvlük lisenziyası bankların ödəniş sistemində üzvlüyün ən yüksək kateqoriyası kimi dəyərləndirilir və bankın sabit maliyyə göstəriciləri, gəlirliyi və likvidliyinin yüksək nəticələrini, təhlükəsizlik standartlarına uyğun olmasını bir daha nümayiş etdirir. Bu lisenziya həmçinin beynəlxalq kartların emissiya edilməsi hüququnu da özündə əks etdirir və bu istiqamətdə Prinsipal üzvlüyü olmayan banklara həmin xidməti göstərmək imkanını verir.

Nəzərinizə çatdıraq ki, Expressbank-ın plastik kartları MilliKart prosessinq mərkəzi tərəfindən xidmət olunur və kartların təhlükəsizliyi 3D Secure texnologiyası ilə qorunur. Bu isə internet vasitəsi ilə online ödənişlər zamanı əməliyyatları daha təhlükəsiz həyata keçirtməyə imkanını verir.

Xatırladaq ki, Expressbank-ın plastik kartlarına sahib olmaq istəyən müştərilər Maestro kartlarını 6 AZN, MasterCard Standart kartlarını isə 8 AZN-ə əldə edə bilərlər. Həmçinin hesaba minimum 400 AZN ilkin mədaxil etməklə MasterCard Gold, 800 AZN ilkin mədaxil ilə isə MasterCard Platinum kartlarını pulsuz sifariş etmək mümkündür. Həmin vəsaiti heç bir komissiya olmadan nağdlaşdıra və ya ExpressClub layihəsi çərçivəsində ölkədaxili POS-terminallarda ödəməklə xərclərinizi gəlirə çevirə bilərsiniz.

Expressbank-ın xidmət şəbəkəsi 16 filialdan ibarətdir. Onlardan 10-u Bakı və Sumqayıt şəhərlərində, 6-sı isə ölkənin Gəncə, Mingəçevir, Bərdə, Qusar, Xaçmaz və Şirvan şəhərlərində yerləşir. Bankın ölkə üzrə 80-dək bankomat, 6000-dək POS terminal və 500-dən artıq ExpressPay ödəniş terminalı vardır.

Bank xidmətləri barədə ətraflı məlumatı 132 Məlumat Mərkəzinə zəng edərək, www.expressbank.az saytına və ya Bankın rəsmi facebook səhifəsinə www.facebook.com/Expressbank daxil olaraq əldə edə bilərsiniz.

Məqalədə:
Xəbər lenti

Xəbər lenti