Bakı. Trend:
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
Fevral ayı ərzində EUR/USD məzənnəsi 1.08$-dan 1.05$-a kimi ucuzlaşsa da, Avrozonada inflyasiyanın daha da arta biləcəyi gözləntiləri fonunda məzənnə keçən həftənin ortalarından etibarən yenidən bahalaşmağa başlayıb. Beləliklə, EUR/USD məzənnəsi 1.05$-ın üzərində qaldıqca, yenidən 1.07$ və 1.08$-a kimi bahalaşa biləcəyi proqnozlaşdırılır.
Qeyd etmək lazımdır ki, bu həftənin çərşənbə günü Avrozonanın yanvar ayı üzrə yekun inflyasiya səviyyəsi də açıqlanacaqdır. Avrozonanın inflyasiya səviyyəsinin 2%-ə yaxınlaşması, Avropa Mərkəzi Bankının yumşaq pul-kredit siyasətini dayandırması gözləntilərini də artırır ki, bu da avronun daha da bahalaşmasına təsir edə bilər.
GBP
Böyük Britaniyanın “HBOS” ipoteka təşkilatına əsasən daşınmaz əmlak bazarında müşahidə edilən qiymət ucuzlaşması, funt sterlinqin də dünya birjalarında qiymətinin 1.23$-a kimi ucuzlaşmasına səbəb olmuşdur. Lakin buna baxmayaraq GBP/USD məzənnəsi keçən həftə 1.23$-ın üzərində ticarət edilmişdir və bu səviyyənin üzərində qalarsa, yenidən 1.26 və 1.28$-a kimi də bahalaşa bilər.
TRY
Türk lirəsinin qiyməti isə keçən həftə 3.63TL-ə kimi bahalaşmışdır Cütlük üzrə qiymətin texniki mənzərəsinin təhlilləri onu göstərir ki, qiymət əlavə olaraq 3.62TL-ə kimi də bahalaşaraq, bu səviyyənin üzərində qalarsa, 3.57TL-ə kimi bahalaşa bilər.
OIL
Enerji bazarlarında isə Avropanın Brent markalı neftinin bir barel qiyməti 55$ və 56$ aralığında ticarət edilməkdədir. Burada isə qiymətin texniki mənzərəsi üzrə təhlillər onu göstərir ki, qiymət 56$-ın üzərində möhkəmlənərsə, 57$ və 59$-a kimi bahalaşa bilər.
GOLD
Əlvan metallar bazarında isə qızılın bir unsiya üzrə qiyməti keçən həftə 1244$-a (39.9 $/qram) kimi bahalaşsa da, fevral ayının maksimum səviyyəsi sayılan 1245$-a kimi bahalaşa bilməyib. Hətta qiymət gələcək günlər ərzində 1227$-a (39.4 $/qram) kimi ucuzlaşa bilər.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.