...

"InvestAZ"dan dünya maliyyə bazarları ilə bağlı həftəlik analiz

İqtisadiyyat Materials 6 Mart 2017 10:53 (UTC +04:00)
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
"InvestAZ"dan dünya maliyyə bazarları ilə bağlı həftəlik analiz

Bakı. Trend:

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Cümə günü Janet Yellenin çıxışından sonra dolların dünya birjalarında aparıcı valyutalara nisbətən qiyməti təqribən 1% ucuzlaşıb. Janet Yellenin "şahin" çıxışına baxmayaraq dolların ucuzlaşması isə artıq fevral ayının əvvəlindən etibarən faiz artımı gözləntiləri fonunda dolların kifayət qədər bahalaşması ilə əlaqədardır. Bu həftənin cümə günü isə Amerikanın əmək bazarı ilə bağlı açıqlanacaq önəmli statistik göstəricilər investorların diqqət mərkəzində olacaq.

Dolların ucuzlaşması fonunda isə təkcə EUR/USD məzənnəsi cümə günü 1.0623$-a kimi 1.2% bahalaşıb. Beləliklə, məzənnə keçən həftənin maksimum səviyyəsi sayılan 1.0630$-a kimi bahalaşaraq, bu səviyyənin üzərində möhkəmlənərsə, 1.0700$-a kimi də dəyər qazana bilər.

GBP

GBP/USD məzənnəsində də bahalaşma müşahidə edilir. 1.2299$-a kimi bahalaşan funt sterlinqin qiyməti gələcək günlərdə 1.2350$ və 1.2401$-a kimi də dəyər qazana bilər.

TRY

Türkiyədə isə iflyasiyanın artması xəbərindən sonra türk lirəsinin qiyməti bahalaşmağa başlayıb. Buna səbəb isə ölkədə inflyasiyanın artması fonunda maliyyə siyasətinin daha da sərtləşdirilməsi gözləntiləri ola bilər. Gələcək günlərdə lirənin qiyməti 3.65TL və 3.62TL-ə kimi də bahalaşa bilər.

OIL

Enerji bazarlarında Avropanın Brent markalı neftinin bir barel qiyməti keçən həftə 56$-a ticarət edilib. Qiymətin gələcək günlərdə də 55$ və 57$ aralığında ticarət ediləcəyi proqnozlaşdırılır.

GOLD

Əlvan metallar bazarında da dolların ucuzlaşması, qızıl qiymətinin bahalaşmasına təsir edib. Belə ki, qızılın bir unsiya üzrə qiyməti cümə günü 1236$-a (39.7 $/qram) kimi bahalaşıb və 1243$-a (39.9 $/qram) kimi də bahalaşa biləcəyi proqnozlaşdırılır.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Məqalədə:
Xəbər lenti

Xəbər lenti