Bakı. Trend:
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
EUR/USD məzənnəsinin bazar ertəsi bahalaşdığının şahidi oluruq və qiymətin bu həftə 1.07 və 1.08$-a kimi bahalaşa biləcəyi proqnozlaşdırılır. Eyni zamanda cümə günü Bakı vaxtı ilə saat 16:30-da Amerikanın əmək bazarı ilə bağlı önəmli və məzənnəyə güclü təsir edə biləcək statistik məlumatlar açıqlanacaqdır.
GBP
Enerji bazarlarında neft qiymətlərinin bahalaşması, funt sterlinqin də 1.25$-a kimi bahalaşmasına təsir etmişdir. Beləliklə, GBP/USD məzənnəsi əlavə olaraq 1.26$-a kimi də bahalaşa bilər və bununla yanaşı bu həftə Böyük Britaniyanın xidmət, tikinti və sənaye istehsalı sektoru ilə bağlı önəmli məlumatlar açıqlanacaqdır.
TRY
Türkiyə maliyyə bazarlarında Türk lirəsi keçən həftə 3.58TL-ə kimi bahalaşdıqdan sonra 3.66TL-ə kimi ucuzlaşdı. Cümə günü yenidən 3.63TL-ə kimi bahalaşan türk lirəsinin əlavə olaraq 3.60TL-ə kimi də bahalaşa biləcəyi proqnozlaşdırılır. Bu həftənin bazar ertəsi Bakı vaxtı ilə saat 11:00-da yayımlanacaq, Türkiyənin inflyasiya səviyyəsi ilə bağlı məlumatlar investorlar tərəfindən böyük maraqla gözlənilir və məzənnə üzrə ticarət aktivliyinin daha da artmasına təsir edə biləcəyi gözlənilir.
OIL
Enerji bazarlarında Avropanın Brent neftinin qiyməti keçən həftə 53$-a kimi bahalaşıb. Amerikanın neft ehtiyatlarında azalma ilə bağlı məlumatlar, tələbatın artmasına işarədir və qiymətlərin bahalaşmasına səbəb olur. Bu həftə isə dolların ucuzlaşması fonunda, qiymətin əlavə olaraq 54 və 55$-a kimi də dəyər qazana biləcəyi proqnozlaşdırılır.
GOLD
Əlvan metallar bazarında isə qızılın qiyməti cümə günü bahalaşmağa başlayıb. Foreks bazarlarında dolların yenidən ucuzlaşması, qızıla olan tələbi də artırır. 1248$-a (40.0 $/qram) ticarət edilən bir unsiya üzrə qiymət 1261$ (40.5 $/qram) və 1280$-a (41.1 $/qram) kimi də bahalaşa bilər.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.