...

"InvestAZ"dan dünya maliyyə bazarları ilə bağlı həftəlik analiz

İqtisadiyyat Materials 17 Aprel 2017 11:21 (UTC +04:00)
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
"InvestAZ"dan dünya maliyyə bazarları ilə bağlı həftəlik analiz

Bakı. Trend:

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

EUR/USD məzənnəsi 1.06$-ın üzərində ticarət edilməkdədir və bu səviyyənin üzərində qaldıqca, 1.07 və 1.08$-a kimi bahalaşa biləcəyi proqnozlaşdırılır. Eyni zamanda, bu həftənin çərşənbə günü Bakı vaxtı ilə saat 13:00-da açıqlanacaq Avrozonanın mart ayı üzrə yekun inflyasiya səviyyəsinin də məzənnəyə təsir edə biləcəyi gözlənilir.

GBP

Funt sterlinqin qiyməti də 1.25$-ın üzərində ticarət edilməkdədir və qiymət bu həftə 1.26$-a kimi də bahalaşa bilər. Bununla yanaşı, bu həftənin cümə günü Bakı vaxtı ilə saat 12:30-da açıqlanacaq Böyük Britaniyanın pərakəndə satış dövriyyəsi ilə bağlı statistik göstəricilər investorların diqqət mərkəzində olacaqdır.

TRY

Türkiyə maliyyə bazarlarında isə Türk lirəsinin bazar ertəsi 3.72TL-dən 3.63TL-ə kimi bahalaşdığının şahidi oluruq. Buna səbəb Türkiyədə bazar günü keçirilən referendum nəticələrinin müsbət açıqlanmasıdır. Beləliklə, Türk lirəsinin 3.62 və 3.58TL-ə kimi də dəyər qazana biləcəyi proqnozlaşdırılır.

OIL

Enerji bazarlarında Avropanın Brent markalı neftin bir barel qiymətinin 55$-ın ətrafında ticarət olunduğu müşahidə edilir. Beynəlxalq araşdırma mərkəzləri və maliyyə qurumları da neft fyuçerlərinin gələcək aylarda 50-60$ aralığında olacağını proqnozlaşdırırlar.

GOLD

Əlvan metallar bazarında dünyada geosiyasi risklərin yenidən artması və xüsusilə də, inflyasiyanın artdığı ölkələrdə qızıla olan tələbin yüksək olmasına səbəb olur. Belə ki, bu gün səhər 1295$-a (41.6$/qram) kimi dəyər qazanan qızılın bir unsiya üzrə qiyməti 1300$ (41.7$/qram) və 1350$-a (43.3$/qram) kimi də dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Məqalədə:
Xəbər lenti

Xəbər lenti