Azərbaycan, Bakı, 18 noyabr /Trend, müxbir Azad Həsənli/
2014-cü ilin yanvar-noyabr aylarında Azərbaycanda fəaliyyət göstərən 28 sığorta şirkəti tərəfindən 382,8 milyon manat sığorta haqqı toplanıb ki, bu da ötən ilin analoji dövrünün göstəricisini 3,8 faiz (13,9 milyon manat) üstələyir. Trend-in məlumatına görə, bunu cümə axşamı Azərbaycan Sığortaçılar Assosiasiyasının rəhbəri (ASA) Orxan Bayramov 11 ayın yekunlarına həsr edilmiş mətbuat konfransında deyib.
Onun sözlərinə görə, ilin əvvəlindən bazarın 14-16 faiz artacağı proqnozlaşdırılsa da, bir sıra səbəblərdən, xüsusilə də avtomobil kreditlərinin verilməsi qaydalarının sərtləşməsi ilə əlaqədar artım sürəti azalıb.
İlin sonunadək bazarın artımı 6-7 faiz səviyyəsində gözlənilir.
Şirkətlər hesabat dövründə təqribən 143,5 milyon manat sığorta ödənişi həyata keçiriblər ki, bu da ötən ilin yanvar-noyabrın aylarının göstəricisindən 29,9 faiz (33 milyon manat) çoxdur.
Toplanmış hər 100 manat sığorta haqqı müqabilində 37,5 manat ödəniş həyata keçirilib. 2013-cü ilin yanvar-noyabrında bu göstərici 30 manat olub.