Bakı. Maksim Tsurkov - Trend:
Bakı Beynəlxalq Dəniz Ticarət Limanı azad iqtisadi zona ola bilər ki, bu da ilk bir neçə il ərzində 1 milyard dollaradək xarici investisiya cəlb etməyə imkan verəcək. Trend-in məlumatına görə, bunu jurnalistlərə limanın baş direktoru Taleh Ziyadov deyib.
T. Ziyadov qeyd edib: "Niyyətimiz yeni Bakı limanı ətrafında təkcə tranzit deyil, həm də iqtisadi canlanma yaratmaqdan ibarətdir. Buna görə də Ələt limanı ətrafında Honq Konqda, Cəbəl-Əlidə olduğu kimi, azad iqtisadi zona yaratmaq təklifi var. Bu da, öz növbəsində, qeyri-neft sektorunun inkişafına təkan verəcək".
O, əlavə edib ki, bu təklif hələ layihə mərhələsindədir: "İşin bir hissəsi artıq görülüb. Azad iqtisadi zonanın ilkin konseptual planı hazırlanıb. Limanda təkcə yüklərin boşaldılması üçün deyil, həm də onların qablaşdırılması və saxlanılması üçün şərait yaradılacaq".