Bakı. Ənvər Məmmədov - Trend:
Avropa İttifaqı (Aİ) Azərbaycanda təqribən 9 milyon avro məbləğində 9 tvininq-layihə hazırlayır. Trend-in məlumatına görə, bunu jurnalistlərə İqtisadiyyat nazirinin müavini Sahil Babayev deyib.
Onun sözlərinə görə, hər bir layihənin hazırlanmasına orta hesabla bir il yarım vaxt gedir.
S.Babayev qeyd edib ki, hər bir layihə iki il ərzində reallaşdırılır: "Yeni layihələr ədliyyə, təhsil, kənd təsərrüfatı sahələrində hazırlanır. Hər bir layəhinin dəyəri təqribən 1 milyon avrodur".