Bakı. Elçin Hüseynov - Trend:
"Lukoil" şirkətinin prezidenti Vahid Ələkbərov hesab edir ki, neft qiymətlərinin "azalma piki" artıq keçib və "qara qızıl" hasilatının dondurulmasına dair danışıqların bərpa edilməsinə ehtiyac yoxdur.
Trend TASS-a istinadən xəbər verir ki, bu barədə V.Ələkbərov jurnalistlərə Sankt-Peterburq Beynəlxalq İqtisadi Forumu çərçivəsində bildirib.
O deyib ki, kritik vəziyyət artıq arxada qalıb: "Biz "azalma piki"ni keçmişik. Hesab edirəm ki, neft artıq 30 dollardan aşağı enməz".
V.Ələkbərov bildirib ki, neftin ədalətli qiyməti bir barel üçün 60 dollar civarındadır.