Bakı. Maksim Tsurkov, Orxan Quluzadə - Trend:
Türkiyə Bakı-Tbilisi-Qars (BTQ) dəmir yolu layihəsinin reallaşdırılması çərçivəsində Qars əyalətində logistik mərkəz tikəcək.
Trend-in "Habertürk" qəzetinə istinadən verdiyi məlumata görə, bunu Türkiyənin nəqliyyat, gəmiçilik və kommunikasiyalar naziri Əhməd Arslan "Azərbaycan Dəmir Yolları" QSC-nin rəhbəri Cavid Qurbanovla görüş ərəfəsində deyib.
Onun sözlərinə görə, BTQ-nin tikintisi ilin sonunadək başa çatacaq: "Bakı-Tbilisi-Qars dəmir yolunun açılması ilə bu yol vasitəsilə ildə 3 milyon ton yük daşımaq planlaşdırılır. Lakin bu göstərici qısa müddət ərzində 17 və daha artıq milyon tona çatacaq"
Ə.Arslan qeyd edib ki, Türkiyə Qars vilayətində logistik mərkəz tikməyi planlaşdırır.