Bakı. Ənvər Məmmədov - Trend:
2016-cı ilin I yarısının yekunları üzrə Azərbaycanın ümumi daxili məhsulunun (ÜDM) ümumi həcmi 27 milyard manat təşkil edib ki, bu da 2015-ci ilin analoji dövrünün göstəricisindən 3,4 faiz azdır.
Trend-in Dövlət Statistika Komitəsinin hesabatına istinadən verdiyi məlumata görə, ÜDM-in azalmasına əsas səbəb tikinti sektorunda məhsul və xidmətlər istehsalının həcminin azalmasıdır.
Hesabata əsasən, Azərbaycanın qeyri-neft sektoru 2015-ci ilin I yarısı ilə müqayisədə 6,1 faiz azalıb, onun ÜDM-də payı 65,2 faiz təşkil edib.
Neft və qaz hasilatı və emalı sahəsində əlavə dəyər istehsalının həcmi ÜDM-in 34,8 faizini təşkil edib (göstərilən sahədə artım 2,1 faiz olub).