Bakı. Azad Həsənli – Trend:
Asiya İnkişaf Bankı (AİB) 2017-ci ildə Azərbaycanda iqtisadi artımı 1 faiz səviyyəsində gözləyir.
Trend-in məlumatına görə, bu barədə AİB-in yenilənmiş hesabatında deyilir.
Əvvəlki hesabatla müqayisədə bankın ekspertləri 2017-cü il üçün Azərbaycan ÜDM-in artımı üzrə gözləntilərini saxlayıblar.
AİB bu il ölkə iqtisadiyyatının 2,5 faiz azalacağını proqnozlaşdırır.
İnflyasiyaya gəlincə, AİB-in məlumatına görə, 2016-cı ildə 12 faiz təşkil edəcək, 2017-ci ildə iki dəfədən çox - 5,2 faizədək azalacaq.
Hesabata əsasən, neftin qiymətinin düşməsi ixracatçı ölkələrin dövlət borcunun artmasına gətirib çıxarıb: "2015-ci ildəki devalvasiyaya baxmayaraq, SOFAZ-ın Azərbaycanda 37 milyard dollarlıq aktivləri var. Bu aktivlər borcun maliyyələşdirilməsi və borcun ÜDM-ə nisbətdə 40 faizdən çox olmayan səviyyədə saxlanılması üçün güclü buferi təmin edə bilər".