Bakı. Ənvər Məmmədov – Trend:
Azərbaycan Mərkəzi Bankı Azərbaycan Əmanətlərin Sığortalanması Fondunu zərurət yaranacağı təqdirdə vəsaitlərlə təmin etməli olacaq.
Trend-in məlumatına görə, bu "Azərbaycan Mərkəzi Bankı haqqında" qanuna dəyişikliklər layihəsində nəzərdə tutulub.
Qanun layihəsi bu gün Milli Məclisin İqtisadi siyasət, sənaye və sahibkarlıq komitəsinin iclasında müzakirə olunur.
Azərbaycan Mərkəzi Bankının sədr müavini Aftandil Babayev qeyd edib ki, bu dəyişiklik "Mərkəzi Bank haqqında" qanunun "Əmanətlərin sığortalanması haqqında" qanuna uyğunlaşdırılması üçün təklif edilib: "Əmanətlərin sığortalanması haqqında" qanuna dəyişikliklərə əsasən, ADIF AMB-yə kredit üçün müraciət edə biləcək. Kredit Mərkəzi Bankın lazımi məbləğinin olması halında və bu vəsaitin onun siyasətinə zərər verməyəci təqdirdə dövlət təminatı ilə təqdim ediləcək".