Bakı. Ənvər Məmmədov - Trend:
İcbari Sığorta Bürosunun Büronun Himayəçilər Şurasının sədri və sədr müavini növbəti 5 il müddətinə seçilib.
Bürodan Trend-ə verilən məlumata görə, İcbari Sığorta Bürosunun Himayəçilər Şurasının sədri “AXA Mbask” sığorta şirkətinin İdarə Heyətinin sədrinin birinci müavini Gözəlova Lana Çingizovnanın və Himayəçilər Şurasının sədr müavini “Atəşgah” sığorta şirkətinin İdarə Heyətinin sədri Səfərov Tələt Abbasqulu oğlunun, həmçinin Cabbarova Ülviyyə Kərim qızının, Babayev Nurlan Bəxtiyar oğlunun və İsmayılov Orxan Vilayət oğlunun Himayəçilər Şurasının üzvləri olması faktı dekabrın 8-də Azərbaycan Ədliyyə Nazirliyində təsdiq edilərək dövlət reyestrinə daxil edilib.