Bakı. Trend:
Azərbaycan Vergilər Nazirliyi 2017-ci ildə dövlət büdcəsinə vergi daxilolmaları üzrə proqnozlarının icrasının təmin olunması üzərində çalışır. Trend-in məlumatına görə, bunu vergilər nazirinin müavini Sahib Ələkbərov deyib.
Onun sözlərinə görə, gələn il üçün dövlət büdcəsinə vergi daxilolmaları 7,51 milyard manat həcmində proqnozlaşdırılıb. Bu göstərici 2016-cı il proqnozundan 0,5 milyard manat çoxdur.
Nazir müavini qeyd edib ki, nazirlik tərəfindən yoxlamaların azaldılması bir sıra istiqamətlərdə daxilolmaların azalmasına gətirib çıxarıb.