...

"Bank of Baku" görmə məhdudiyyəti olan uşaqlar üçün Braille teach cihazını təqdim edib (FOTO)

Biznes və iqtisadiyyat xəbərləri Materials 24 Fevral 2017 16:45 (UTC +04:00)
"Bank of Baku" görmə məhdudiyyəti olan uşaqlar üçün Braille teach cihazını təqdim edib.
"Bank of Baku" görmə məhdudiyyəti olan uşaqlar üçün Braille teach cihazını təqdim edib (FOTO)

Bakı. Trend:

Görmə məhdudiyyəti olan uşaqların Brayl əlifbasını öyrənmələrinə kömək edəcək “Braille teach” adlı interaktiv qurğunun hazırlanmasında maliyyə dəstəyi göstərən "Bank of Baku" cihazın rəsmi təqdimetmə mərasimini keçirib.

Bankdan Trend-ə verilən məlumata görə, bu gün Təhsil Nazirliyinin “Sağlamlıq imkanları məhdud uşaqlar üçün 5 nömrəli xüsusi internat məktəbi”ndə keçirilən tədbirdə cihazın hazırlanmış ilk nüsxələri məktəb rəhbərliyinə təqdim olunub.

Təqdimetmə mərasimində açılış nitqi ilə iştirak edən internat məktəbinin direktoru İradə Vəzirova cihazın ilkin olaraq bir ay müddətində sınaqdan keçirildiyini və pedaqoji heyət tərəfindən əsasən məktəbəqədər və ibtidai siniflərdə təhsil alan gözdən əlil uşaqların şifahi nitqi və əqli inkişafı üçün əlverişli olduğunu bildirib.

"Bank of Baku"nun Korporativ Sosial Məsuliyyət proqramı çərçivəsində istehsal olunan bu cihaz, Bankın Reklam və İctimaiyyətlə Əlaqələr Departamentinin direktoru Nigar Tahirovanın sözlərinə görə, uşaqların Brayl əlifbasını daha asan və rahat şəkildə öyrənmələrinə, həmçinin dərslərin interaktiv təhsil metodu ilə keçirilməsinə müsbət fayda verəcək.

Azərbaycanda ilk dəfə tətbiqinə başlanılacaq bu cihaz “Bionix Tech” şirkətinin təsisçisi və icraçı direktoru Rəşid Əliyev tərəfindən ixtira olunub. Tədbirdə çıxış sözü ilə iştirak edən Rəşid Əliyev cihaz və onun istifadəsi haqqında ətraflı məlumat verib, Brayl əlifbasının öyrənilməsində uşaqlar üçün təqdim etdiyi üstünlüklərdən danışıb.

Qeyd edək ki, cihaz 4 dildə - Azərbaycan, rus, ingilis və alman dillərində istehsal olunaraq həm hərflərin, həm də rəqəmlərin öyrənilməsi üçün müxtəlif oyunlardan ibarətdir.

Daha ətraflı:

145 məlumat mərkəzi

www.bankofbaku.com

www.facebook.com/bankofbaku

Məqalədə:
Xəbər lenti

Xəbər lenti