Bakı. Ənvər Məmmədov - Trend:
2017-ci ildə Azərbaycanda iqtisadi vəziyyət stabilləşmə tendensiyasını göstərir.
Trend-in məlumatına görə, bunu brifinqdə "PwC" şirkətinin Azərbaycan üzrə nümayəndəliyinin rəhbəri Mövlan Paşayev deyib.
M.Paşayev qeyd edib ki, 2016-cı ildə Azərbaycan iqtisadiyyatı müxtəlif təhdidlərlə qarşılaşıb:
"Ümumilikdə, ötən il ölkə üçün kifayət qədər mürəkkəb olub. Lakin cari ilin ilk ayları göstərir ki, ölkədə iqtisadi proseslər stabilləşmə tendensiyası nümayiş etdirir".
