Türk şirkətlərinin Azərbaycanın iqtisadiyyatına qoyduqları investisiyaların ümumi həcmi 1,5 mlrd dollar təşkil edir. Bu barədə Trend agentliyinə İqtisadi İnkişaf naziri Fərhad Əliyev məlumat verib.
Onun sözlərinə görə, subpodratçı investisiyaların həcmi 1,2 mlrd dollara bərabərdir. "Hazırda Azərbaycanda 300-dən artıq türk şirkəti fəaliyyət göstərir və bu şirkətlərdə 5 min adam çalışır", - deyə, o bildirib.
Nazir qeyd edib ki, türk şirkətlərinin Azərbaycanda fəaliyyətləri iqtisadiyyatın əsas sektorlarını əhatə edir. "Lakin bəzi istiqamətlərin inkişaf etdirilməsi nəzərdə tutulur", deyə, F. Əliyev bildirib.