Bu ay Azərbaycanın fond bazarında lizinq şirkətlər tərəfindən buraxılmış istiqrazların alqı-satqısı üzrə ilk hərracın keçirilməsi planlaşdırılıb. AtaLising şirkətinin rəhbəri Ceyhun Məmmədbəylinin Trend ə verdiyi məlumata görə, emissiyaların ümumi həcmi 500 min dollardır.
"Bu, Azərbaycanın fond bazarı tarixində lizinq şirkətləri tərəfindən istiqrazların ilk buraxılışı olacaq. Bakı Fond Birjasının vasitəçiliyi ilə biz bir qiymətli kağızın dəyəri 100 ABŞ dolları olmaqla 500 min dollar məbləğində emissiyaların yerləşdirilməsini planlaşdırmışıq. Bu öv üzrə gəlir 13%, qiymətli kağızların işlədilməsi müddəti isə 2 il təşkil edir. Yerləşdirmə artıq bu aydan başlanacaq ", - deyə Ceyhun Məmmədbəyli qeyd edib.