Bakı banklararası valyuta birjası 2005-ci ilin avqustunda valyuta seksiyasında hərracların yekunlarına görə birja bazarında aparıcı operator-bankların beşliyini müəyyən edib.
BBVB-dən Trend ə bildirildiyi kimi, Azərbaycan Beynəlxalq Bankı, "Bank of Baku" və "Rabitəbank" səhmdar-kommersiya bankları, "Koçbank-Azərbaycan" qapalı tipli kommersiya bankı və "Azəriqazbank" səhmdar-investisiya bankı ilə bağlanmış sazişlərin valyuta seksiyasında hərracların ümumi dövriyyəsindəki payına uyğun olaraq onlar birja valyuta bazarında lider bankların sırasına daxildir.
2005-ci ilin avqustunda BBVB-nin valyuta seksiyasının hərraclarında 20 bank iştirak edib. Hesabat ayında BEST-də 23 hərrac sessiyası keçirilib və 94 sövdələşmə qeydiyyata alınıb. Avqustda dollar üzrə hərrac 152 mlrd 37 mln manat və ya $32,673 mln təşkil edib. RUR və EUR ilə sövdələşmənin həcmi 57,048 mln manat olub.
Keçən ayla müqayisədə valyuta seksiyasında hərracların həcmi avqustda 22.31%-ə enib. Bütövlükdə, BBIB-nin valyuta seksiyasının dövriyyəsi yanvar-avqust aylarında 453 milyonu keçib ki, bu da 2004-cü ilin analoji dövrü ilə müqayisədə 36,9% azdır.
|
BANKLAR |
ÜMUMİ HƏCMDƏN HƏCM, % |
|
Azərbaycan Beynəlxalq Bankı |
56.17 |
|
Bank of Baku |
11.51 |
|
Rabitəbank |
10.10 |
|
Koçbank-Azərbaycan |
6.57 |
|
Azəriqazbank |
4.55 |