Azərbaycan hökuməti əmanətlərin indeksləşdirilməsi prosesinə hazırlaşır. Hökumətdən Trend ə verilən məlumata görə, bu prosesin 2006-cı ildən başlayaraq həyata keçirilməsi planlaşdırılır.
Hazırda hökumət indeksləşdirmə prosesinin həyata keçirilməsinin opitmal variantlarını müəyyənləşdirərək onun parametrlərini razılaşdırır. Bu məqsədlə 2006-cı ildə 200 mlrd manat büdcə vəsaitinin ayrılacağı planlaşdırılır.
Əhalinin 1992-ci il yanvarın 1-ə qədər SSRİ-nin Əmanət banklarına qoyduqları əmanətlər indeksləşdirilməlidir. İlk növbədə yaşlı adamlar, əlillər, şəhid ailə üzvləri öz əmanətlərini ala biləcəklər.
Azərbaycanın Maliyyə Nazirliyində 3 indeksləşdirmə planı hazırlanıb və bu prosesin həyata keçirilməsi üçün $0,3-0,4 mlrd, $0,5-0,55 mlrd və $0,8-1 mlrd vəsait tələb olunur.