MDB və Baltik ölkələri dəmiryolu idarələri başçılarının 2006-cı ilin tarif siyasəti üzrə iclası oktyabrın 18-də Tallində keçiriləcək. Bu barədə Trend ə Azərbaycan Dövlət Dəmiryolu İdarəsindən məlumat veriblər. Azərbaycanı bu tədbirdə idarənin sədri Arif Əsgərovun rəhbərlik etdiyi nümayəndə heyəti təmsil edəcək.
Hazırda MDB və Baltik ölkələrinin 13 dəmiryolu idarəsi senytabrın 5-6-da Düşənbədə keçirilən dəmiryolu idarələrinin ekspertlərinin 3 günlük iclasının iştirakçısı olan ölkələrin hökumətlərinə paylanılmış protokolu razılaşdırırlar. Tariflər üzrə yekun sənəd Tallində qəbul ediləcək.