Sentyabrın 26-da Dünya Bankının nəqliyyat üzrə missiyasının Bakıya gələcəyi gözlənilir. Bu barədə Trend ə Azərbaycanın Nəqliyyat Nazirliyindən xəbər verilib. Səfərin məqsədi nazirliyin rəhbərliyi ilə nəqliyyat infrastrukturunun inkişafı çərçivəsində həyata keçirilmiş işlər, islahatlar və avtomobil yollarının tikintisi üzrə müzakirələrin aparılmasıdır.
Nazirlikdə qeyd ediblər ki, Ələt-Astara avtomagistralının tikintisi və bərpası layihəsi də müzakirəyə çıxarılacaq. Bu layihənin həyata keçirilməsinə 400 mln dollar tələb olunur. 300 mln dollar Dünya Bankı, qalan məbləğ isə Azərbaycan ($60 mln) və İran ($40 mln) tərəfindən ayrılacaq. İİR tərəfi artıq layihənin həyata keçirilməsi üçün 40 mln dollar həcmində kredit ayırmağa razılıq verib.
Ələt-Astara magistralının uzunluğu 243 km-dir.