Sentyabrın 17-də Azərbaycan dövlət dəmir yol idarəsinin işçi qrupu Qars-Axalkalaki-Tiflis-Bakı dəmir yolunun tikintisi layihəsi çərçivəsində türk və gürcü həmkarları ilə bir sıra məsələlri müzakirə etmək məqsədilə İstmabula yola düşüb.
ADDİ-nin mətbuat xidmətinin rəisi Nadir Əzməmmədovun Trend ə bildirdiyinə görə, nümayəndə heyətinə ADDİ-nin sədr müavini İqbal Hüseynov rəhbərlik edir.
Görüş çərçivəsində tərəflər hər üç ölkənin nəqliyyat nazirlərinin görüş tarixini dəqiqləşdirəcək. "Əgər tərəflər razılığa gəlsələr, onda nazirlər sentyabrın 19-20-də görüşəcəklər", - deyə N.Əzməmmədov qeyd edib.
Yolun uzunluğu 98 km-dir. Onun 68 km-i Türkiyə, 30-km-i isə Gürcüstan ərazisindədir. İlkin hesablamalara görə, Qars-Axalkalaki-Tiflis-Bakı dəmir yolunun tikintisi layihəsinin reallaşmasına $400 mln vəsait tələb olunur.