Dövlət Gömrük Komitəsi (DGK) Yevlaxda Gömrük İdarəsi üçün inzibati bina tikdirir. DGK-dən Trend ə verilən məlumata görə, bu məqsədlə artıq müvafiq tender elan edilib.
Bu tikintidə marağı olan şirkətlər öz tender təkliflərini oktyabrın 31-nə kimi təqdim etməlidirlər. Təklifəlr paketini Komitədə noyabrın 1-də açılacaq.
Komitədən həmçinin bildiriblər ki, tikinti işləri 2006-cı ilin ikinci rübündə başa çatmalıdır.
Bununla yanaşı Komitə DGK-nin Hava Nəqliyyatı Baş Gömrük İdarəsinin layihə-smeta və tikinti-quraşdırma işlərilə bağlı sənədlərin hazırlanması üzrə iş aparır. 3 mərtəbəli inzibati bina Bakının Əzizbəyov rayonunu ərazisində yerləşir. Buradakı tikinti işləri də gələn ilin ikinci rübündə başa çatdırılmalıdır.