Standard Insurance sığorta şirkəti kapitalını artırmaq planları barədə elan edib. Şirkətin idarə heyətinin sədri Kamal İbrahimovun Trend ə bildirdiyi kimi, 2005-ci ilin sonu 2006-cı ilin əvvəllərində kapital iki dəfə artacaq.
Beləliklə, kapitalın 10 mlrd manatdan 20 mlrd manata qədər artırılacağı planlaşdırılır.
"Kapital həm bölüşlüdürlməmiş gəlir, həm də fəaliyyət göstərən səhmdarların hesabına artırılacaq", - deyə idarə heyətinin sədri qeyd edib.
Onun sözlərinə görə, 9 ayın yekunlarına görə Standard Insurance artıq 26 mlrd sığorta pulu toplayıb. "Göstəricilər keçən ilin analoji dövrü ilə müqayisədə 2 dəfə çoxdur", - deyə K.İbrahimov əlavə edib.