AZAL Dövlət konserninin nümayəndələri Beynəlxalq Airbus Industries avia konserninin istehsalı olan ikinci "A-319" aerobusunun qəbul edilməsi üçün Fransaya gedib.Bu barədə Trend ə AZAL DK-də bildirilib.Oktyabrın 27-də yeni aerobusun təhvil-təslimi haqqında sənəd imzalanacaq.Oktyabrın 28-də ikinci "A319" aerobusu Bakıda olacaq.
Üçüncü və dördüncü təyyarələr ölkəyə 2006-cı ilin ortalarında gətiriləcək. AZAL tərəfindən alınmış A-319 aerobusları beynəlxalq marşrutlarda hərəkət edəcək.
İlk təyyarə Hamburqdan Bakıya cari ilin sentyabrın 2-də gətirilib.
AZAL ilə AIRBUS arasında dörd təyyarənin alınmasına dair müqavilə 2004-cü ilin avqustunda Berlində imzalanıb.Müqavilənin dəyəri $170 mln. təşkil edir.