Azərbaycanın kənd təsərrüfatı naziri İsmət Abbasov İtaliyaya səfər edib. Nazirlikdə Trend ə bildirilib ki, səfərin məqsədi BMT Qida və K/T Təşkilatının (Food and Agriculture Organization of the United Nations FAO Conference) 33-cü sessiyasında iştirak etməkdir. Tədbir noyabrın 19-dan 26-dək İtaliyada keçiriləcək.
FAO- BMT-nin 1945-ci il oktyabrın 16-da təsis edilmiş ilk ixtisaslaşdırılmış qurumudur, üzvlərinin sayı 150-dir. Təşkilatın məqsədi k/t sahəsində, qida məhsullarının, meşə və balıq emalı sənayesi mallarının istehsalı sahəsində texniki yardımın təmin edilməsidir. FAO-nun mənzil-qərargahı Romada yerləşir. Konfransın iclasında nazir tərəfindən Azərbaycanın təşkilatın tam hüquqlu üzvü kimi səs hüququnun bərpası məsələsi xüsusilə vurğulanacaq. Azərbaycan 1995-ci ilin oktyabrından FAO-nun üzvüdür. Amma bəzi vaxtlarda üzvlük haqqının ödənmədiyi üçün təşkilat Azərbaycanın səs hüququnun ləğv edilməsi barədə tədbir görüb. 2004-cü ildə Azərbaycanın FAO-ya borclarını qaytarması barədə rəsmən bildirməsinə baxmayaraq ölkənin səs hüququnun bərpa edilməsi məsələsi hələ də açıq qalır.
İ.Abbasov öz çıxışında təşkilat qarşısında bu məsələni qeyd etmək, həmçinin Bakıda FAO-nun təşkilatın rəhbəri Jak Dyufun Azərbaycana səfəri zamanı haqqında qərar qəbul edilmiş nümayəndəliyinin açılması, eləcə də birgə layihələrin artırılması çərçivəsində FAO ilə əməkdaşlığın genişləndirilməsi kimi məsələləri qeyd etmək niyyətindədir.