Dekabrın 8-də AZAL Dövlət Konserni (DK) Naxçıvan Muxztar Respublikasına hava reyslərinin bərpa etməyə cəhd göstərsə də, Bakıdan uçan təyyarə Naxçıvanın hava limanında yerə enə bilməyib. Bu barədə Trend ə DK-dən məlumat verilib.
Hazırda təyyarə Heydər Əliyev adına Bakı beynəlxalq hava limanına qayıdır.
Güclü duman üzündən artıq bir neçə sutkadır ki, Naxçıvandan Bakıya və Gəncəyə uçuşlar dayandırılıb. "Qeyri-səmərəli hava şəraiti təkcə NMR-da deyil, bütün Kiçik Qafqaz ərazisində müşahidə olunur. Bizdə olan məlumata görə, Gürcüstanda da belə problemlər var" - deyə DK-dən bildirilib.
Naxçıvan aeropotunda və H.Əliyev adına Bakı beynəlxalq hava limanında təyyarələrin uçuşunu gözləyənyüzlərlə sərnişin var.