2006-cı ilin yanvarında Azərbaycan Mikromaliyyələşdirmə Bankı Qara dəniz Ticarət və İnkişaf bankından mikro və kiçik sahibkarlığın inkişafına üçüncü kredit tranşı almaq niyyətindədir. Bu barədə Trend ə AMMB-nin idarə heyətinin sədri Tomas Engelhard bildirib.
Bu il banka ayrılan kreditin ümumi həcmi $3 mln təşkil edib. Bu məbləğin $2 milyonu (iki tranş - hər biri $1 mln) artıq mənimsənilib. Kredit 4 il müddətinə ayrılıb. Lakin 2005-ci il ərzində AYİB və Beynəlxalq maliyyə korporasiyası tərəfindən AMMB-yə $5 mln və $3 mln həcmində vəsait ayrıldığından QTİB-nin sonuncu krediti mənimsənilməyib.