Azərbaycan iş adamlarından ibarət nümayəndə heyəti dəniz məhsullarına və dəniz heyvanlarının çoxaldılmasına həsr olunmuş IV beynəlxalq sərginin işində iştirak etmək üçün yanvarın 24-27-də İrana yola düşəcək. Trend in AR Sahibkarlar (işəgötürəlnlər) Təşkilatları Milli konfederasiyasının press-relizinə istinadən xəbər verdiyi kimi, sərgi dəniz məhsullarının ixracının inkişafı Fondu tərəfindən təşkil olunub.
Tədbirdə dünyanın müxtəlif ölkələrindən istehsalçıların, ixracatçıların, müxtəlif balıqçılıq, o cümlədən istehsal avadanlıqları, ovçuluq və ov ləvazimatları, dəniz nəqliyyatı, üzən obyektlər, su motosiklləri və digər sahələrdə ixtisaslaşmış şirkətlərin nümayəndələrinin iştirakı gözlənilir.
Sərgi çərçivəsində ikitərəfli görüşlər keçiriləcək.