Azərbaycan, Bakı, 26 mart /Trend, müxbir Anaxanım Hidayətova/
Azərbaycan makroiqtisadi inkişafda böyük naliyyətlər əldə edib. Trend-in məlumatına görə, bu barədə Avropa Qonşuluq Siyasətinın Azərbaycanda tətbiqi ilə bağlı hesabatda deyilir.
Hesabatda Azərbaycan iqtisadiyyatının şaxələndirilməsi müsbət dəyərləndirilib. Bildirilib ki, qeyri-neft sektorunda artım və sosial sabitlik sayəsində makroiqtisadi mühit sabit qalıb.
Hesabatda Avropanın enerji təhlükəsizliyinin gücləndirilməsi və enerji təchizatının diversifikasiyası istiqamətində Avropa İttifaqı (Aİ) ilə Azərbaycan arasında strateji enerji tərəfdaşlığı sahəsində mühüm irəliləyişin əldə olunması qeyd olunub. Bu baxımdan hesabatda "Cənub Qaz Dəhlizi" layihəsinin Aİ-Azərbaycan dialoqu üçün çox vacib olduğu vurğulanıb.