Azərbaycan, Bakı, 5 may /Trend, müxbir Maksim Tsurkov/
Hazırda Azərbaycan Respublikası Dövlət Neft Şirkəti (SOCAR) və onun törəmə şirkətləri 18 hasilatın pay bölgüsü sazişi üzrə 15 ölkəni təmsil edən 25 şirkətlə əməkdaşlıq edir. Trend-in məlumatına görə, bu barədə SOCAR prezidenti Rövnəq Abdullayevin rəsmi mətbuatda dərc edilən məqaləsində deyilir.
Onun sözlərinə əsasən, birgə layihələrin iştirakçıları tərəfindən Azərbaycanın neft-qaz sektoruna 55 milyard dollar həcmində sərmayə qoyulub.
R.Abdullayev bildirib: "Təsis etdiyimiz 37 birgə müəssisə və 7 alyans neft və qaz sənayesinin demək olar ki, bütün sahələrində uğurla fəaliyyət göstərir. "Əsrin müqaviləsi" Azərbaycan iqtisadiyyatına yeni nəfəs gətirib".
SOCAR-ın prezidenti qeyd edib ki, son 20 ildə "Azəri-Çıraq-Günəşli" layihəsinə 3 mindən artıq yerli müəssisə və şirkət cəlb olunub.