Azərbaycan, Bakı, 31 iyul /Trend, müxbir Anaxanım Hidayətova/
Avropa İttifaqının (Aİ) Azərbaycanın təşəbbüskarı olduğu "Cənub Qaz Dəhlizi" layihəsi çərçivəsində məqsədlərindən biri Aİ-yə enerji resurslarının xeyli həcmdə tədarükünü təmin etmək üçün digər mənbələrdən dəhliz üzrə qazın nəqli imkanlarının təqdim edilməsidir.
Bunu Trend-ə müsahibəsində Avropa Komissiyasının mətbuat ofisindən deyiblər.
Ofisdən bildiriblər ki, Azərbaycan Avropa üçün həmişə qaz tədarükçüsü ölkəsi olub və olmaqdadır: "Azərbaycan "Cənub Qaz Dəhlizi" layihəsinin reallaşdırılmasında əsas rol oynayır. Aİ-nin layihə ilə bağlı siyasətinin digər məqsədi Avropa İttifaqına enerji resurslarının xeyli həcmdə tədarükünü təmin etmək üçün digər mənbələrdən dəhliz üzrə qazın nəqli imkanlarının təqdim edilməsidir. Bu, gələcəkdə tədarükün şaxələndirilməsinə, rəqabətə və Avropanın enerji təhlükəsizliyinə xidmət edə bilər".