Azərbaycan, Bakı, 26 avqust /Trend/
Mingəçevir şəhərinin təbii qaz təchizatında sabah məhdudiyyətlər olacaq. Bu barədə Trend-ə "Azəriqaz" İB-nin İctimaiyyətlə əlaqələr şöbəsindən verilən məlumatda bildirilir.
Məlumatda qeyd olunur ki, yeni çəkilmiş qaz xətlərinin diametri 530 mm-lik orta təzyiqli qaz kəmərinə qoşulması və istismara yararsız qaz xətlərinin ləgv olunması ilə əlaqədar avqustun 27-də saat 14.00-dan 18:00-dək Mingəçevir şəhərinə təbii qazın verilişində fasilələr yaranacaq.