...

Neftimiz ucuzlaşıb

Energetika Materials 28 May 2016 13:30 (UTC +04:00)
Azərbaycanın yüngül neftinin qiyməti mayın 27-də 50,87 dollar/barel təşkil edib.
Neftimiz ucuzlaşıb

Bakı. Azad Həsənli - Trend:

CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti mayın 27-də 50,87 dollar/barel təşkil edib ki, bu da mayın 26-na olan göstəricidən 0,44 dollar/barel azdır. Bunu Trend-ə ölkənin neft-qaz bazarındakı mənbə deyib.

"Azeri Light" neft növü Azərbaycanın "Azəri-Çıraq-Günəşli" yataqlar blokundan çıxarılır. Neft digər növlərlə qarışdırılmadan Bakı-Tbilisi-Ceyhan boru kəməri ilə Türkiyənin Ceyhan, dəmiryolla Gürcüstanın Batumi limanlarına çatdırılır. Bununla yanaşı, "Azeri Light" Bakı-Supsa kəməri ilə Gürcüstanın Supsa limanına ixrac olunur.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti mayın 27-də 50,02 dollar/barel təşkil edib ki, bu da əvvəlki qiymətdən 0,45 dollar/barel azdır.

Azərbaycan neftin URALS növünü Novorossiysk limanından satır. Buraya xammal Bakı-Novorossiysk boru kəməri ilə çatdırılır.

Novorossiysk limanından yüklənən URALS neftinin qiyməti mayın 27-də 46,14 dollar/barel təşkil edib ki, bu da əvvəlki qiymətdən 0,18 dollar/barel azdır.

Şimal dənizindən hasil edilən "Brent Dated" etalon növlü neftin qiyməti mayın 27-də 49,08 dollar/barel təşkil edib. Bu, əvvəlki qiymətdən 0,43 dollar/barel azdır.

Məqalədə:
Xəbər lenti

Xəbər lenti