...

"ASE EXPRESS & OCS, DSV" Caspian Energy Forum Baku 2017-nin partnyoru olub

Energetika Materials 23 Fevral 2017 10:00 (UTC +04:00)
"ASE EXPRESS & OCS, DSV" şirkəti 2017-ci il aprelin 12-də Bakıda keçiriləcək 4-cü Beynəlxalq Caspian Energy Forum – 2017-nin (www.caspianenergyforum.com) partnyoru olub.
"ASE EXPRESS & OCS, DSV" Caspian Energy Forum Baku 2017-nin partnyoru olub

Bakı. Trend:

"ASE EXPRESS & OCS, DSV" şirkəti 2017-ci il aprelin 12-də Bakıda keçiriləcək 4-cü Beynəlxalq Caspian Energy Forum – 2017-nin (www.caspianenergyforum.com) partnyoru olub.

Bu barədə Trend-ə Caspian Energy Forumdan məlumat verilib.

Caspian European Club (Caspian Business Club) və Caspian American Club-un sədrinin birinci müavini və baş icraçı direktoru Telman Əliyevin məlumatına görə, "ASE EXPRESS & OCS, DSV" Beynəlxalq Caspian Energy Forum-un partnyoru olub. Şirkət Caspian European Club-un (Caspian Business Club) və Caspian American Club-un sabit partnyorudur və Xəzər-Qara dəniz və Baltik regionu ölkələrində tərəfimizdən təşkil olunan tədbirlərdə fəal iştirak edir.

"ASE EXPRESS & OCS, DSV"nin Bakı ofisinin Baş direktoru Rəşad Abbasov bildirib ki, onlar Xəzər regionu üçün özündə dünyanın 50 ölkəsindən olan biznesmenləri birləşdirən Caspian Energy Forum - 2017 kimi əhəmiyyətli tədbirin partnyoru olduqları üçün çox razıdılar. O qeyd edib ki, şirkət Caspian European Club (Caspian Business Club) və Caspian American Club ilə sıx əməkdaşlıq edir və klubun təşkil etdiyi tədbirlərdə fəal iştirak edir.

"ASE EXPRESS & OCS, DSV" şirkəti 1994-cü ildən Azərbaycanın yükdaşıma bazarında fəaliyyət göstərir, ASE EXPRESS, OCS və DSV türk və yapon nəqliyyat şirkətlərinin nümayəndəsidir. Şirkət Qərbi və Şərqi Avropadan, Mərkəzi və Cənub-Şərqi Asiyadan, Şimali və Cənubi Amerikadan Azərbaycanın istənilən nöqtəsinə vaxtlı-vaxtında mal çatdırılmasını təmin edir, yüklərin konsolidasiyasından və sığortadan tutmuş gömrük rəsmiləşdirilməsinə kimi əlavə xidmətlərini təşkil edir.

Caspian Energy Forum-2017-də Azərbaycanın, Xəzər-Qara dəniz və Baltik regionu ölkələrinin dövlət strukturlarının, nazirlik, komitə və qurum rəhbərləri, Azərbaycan Respublikasında akkreditə edilmiş diplomatik və beynəlxalq missiya nümayəndələri, həmçinin nəhəng beynəlxalq şirkətlərin başçıları iştirak edəcəklər. Forumun işinə dünyanın 50 ölkəsindən 500 deleqat qatılacaq.

Forum üç sessiyadan ibarət olacaq. Birinci sessiya həyata keçirilən iqtisadi islahatların ilkin nəticələrinə həsr ediləcək. İkinci sessiya Xəzər regionu ölkələrinin enerji sektorunun inkişafı mövzusunu əhatə edəcək. Üçüncü sessiya isə qeyri-neft sektorunda həyata keçirilən layihələr və onların dünya bazarlarında irəliləyişi ilə bağlı olacaq. 4-cü Beynəlxalq Caspian Energy Forum-2017-nin sponsoru həmçinin “R.İ.S.K.” Elmi-İstehsalat Şirkətidir.

Məqalədə:
Xəbər lenti

Xəbər lenti