Azəriqaz qapalı səhmdar cəmiyyəti Naxçıvan Muxtar Respublikasının qazla təchizatının bərpası layihəsi çərçivəsində sualtı qaz kəmərinin tikintisinə başlayıb. Bu barədə Trend ə QSC-dən məlumat veriblər.
Tikinti işlərinin başlanması üçün texnika və avadanlıqların yığılması başa çatıb. Qaz kəməri Araz çayının altı ilə keçərək İranın qaz xəttinin NMR-ı ilə birləşdirəcək.
"Hazırda qaz kəmərinin tikintisi çayın girişindən başlanacaq. Bu sahənin uzunluğu 1,56 km təşkil edir. Qaz kəmərinin marşrutunda partlayış işləri aparılır ki, bundan sonra borunun çəkilişinə başlanılacaq ", - deyə QSC-dən qeyd ediblər.
Ekspertlərin fikrincə, sualtı qaz kəmərinin çəkilişinə 15-20 gün vaxt tələb olunacaq.