Bu həftə Azərbaycan Beynəlxalq Əməliyyat Şirkəti (ABƏŞ) "Azəri" yatağının qərb hissəsində tikiləcək platformanın üst qurğularını dənizdə quraşdırmağı planlaşdırır. Bu barədə Trend ə ABƏŞ-dən bildirilirb. Platforma "Azəri-Çıraq-Günəşli" layihəsi çərçivəsində neft və səmt qazının hasilatı üçün nəzərdə tutulub.
"Azəri" yatağının şərq və qərb hissələri AÇG blokunun tam miqyasda işlənməsi üzrə "Faza-2" layihəsi çərçivəsində mənimsənilir. Layihə hər birində 48 quyunun qazılacağı 2 platformanın tikintisini nəzərdə tutur. "Faza-2" çərçivəsində ilk neftin 2006-cı ilin ortalarında alınacağı gözlənilir. Hər iki platformadan ildə 20 mln ton neft çıxarılacaq. Fazanın həyata keçirilmə müddətində 210 mln ton neftin hasil edilməsi planlaşdırılır.
Hazırda SDS Azərbaycan-Amerika BM "Dədə-Qorqud" qazma qurğusu ilə 6-cı öncəqazma quyununun qazılmasını həyata keçirir.
Quyunun layihə dərinliyi 4000 metrdən artıqdır.