Yaxın vaxtlarda Azərbaycan dünən ölkənin enerji sistemində baş vermiş qəza nəticəsində Gürcüstana dayandırılmış elektrik enerjisi tədarükünü bərpa edəcək. Bu barədə Trend ə "Azərenerji" SC-nin mətbuat xidmətində bildirilib.
Azərbaycan yanvarın 22-dən başlayaraq Gürcüstana 30 MVt gücündə elektrik enerjisi tədarük edir. Yanvarın 26-dan bu göstərici gündüz saatlarında 70 MVt və qızğın iş vaxtlarında isə 100 MVt-dək təşkil edirdi. Dünən baş vermiş qəzadan sonra enerji verilməsi dayandırılıb.