Azərbaycan, Bakı, 4 dekabr /Trend, müxbir Hüseyn Vəliyev/
Qiymətli Kağızlar üzrə Dövlət Komitəsi (QKDK) "Azərkosmos" ASC-nin 23,6 milyon manat dəyərində adi, sənədsiz, adlı səhmlərinin emissiya prospektini qeydiyyata alıb.
Trend-in QKDK-ya istinadən verdiyi məlumata görə, emissiyaya hər birinin nominal dəyəri 20 manat olan 1 180 530 ədəd səhm daxildir.
Emissiyanın yerləşdirilməsi nəticəsində ASC-nin nizamnamə kapitalı 40 milyon manatdan 63,6 milyon manatadək artacaq.