...

"Azercell" şəbəkəsini gücləndirməyə davam edir

Telekommunikasiya Materials 30 Mart 2017 17:48 (UTC +04:00)
Azercell Telekom abunəçi sayına və təqdim etdiyi rabitə xidmətinin keyfiyyətinə görə Azərbaycan rabitə bazarında liderliyini davam etdirir.
"Azercell" şəbəkəsini gücləndirməyə davam edir

Bakı. Trend:

Azercell Telekom abunəçi sayına və təqdim etdiyi rabitə xidmətinin keyfiyyətinə görə Azərbaycan rabitə bazarında liderliyini davam etdirir.

Şirkətdən Trend-ə verilən məlumata görə, abunəçilərin rahatlığı və öz yaxınları ilə hər zaman keyfiyyətli əlaqə qurması üçün baza stansiyalarının sayını artırmaqdadır. Hal-hazırda ölkə ərazisində Azercell-in 2796 sayda 2G, 2141 sayda 3G və 274 sayda 4G baza stansiyası mövcuddur. Bundan əlavə şirkət tərəfindən 1894 baza stansiyanın fəaliyyəti gücləndirilib. Hər zaman abunəçilərini yüksək səviyyəli xidmətlə təmin etmək üçün öz şəbəkəsini təkmilləşdirən Azercell toplam 5211 baza stansiyası ilə fəaliyyət göstərir. Baza stansiyalarının sayının artırılması Azercell-in indi həm səs xidmətləri, həm də sürətlə artan mobil data üçün daha da güvənli və yüksək tutumlu şəbəkəyə sahib olması deməkdir. Son illər ərzində Azercell yalnız Bakı şəhəri boyu 3G şəbəkəsinin tutumunu 77%, ölkə üzrə isə ümumilikdə şəbəkəsini 25% gücləndirib.

Məlumat üçün qeyd edək ki, Azercell regionda və ölkədə ilk və ən böyük LTE (4G) şəbəkəsinə sahibdir. Rabitə və Yüksək Texnologiyalar Nazirliyinin də apardığı araşdırmalara görə bu gün Azercell ölkədə ən yüksək sürətli mobil internet xidmətini təqdim edir. Bu gün üçün Azercell-in təqdim etdiyi mobil internetin 4G şəbəkəsini 84.1 % gücləndirib, nəticədə Azercell abunəçiləri arasında mobil internetdən istifadə həcmi son il ərzində 14 dəfə artıb.

Bir sıra innovativ konsepsiyaları ilk olaraq Azərbaycana gətirən Azercell ölkədə ilk dəfə olaraq GSM texnologiyası, GPRS/EDGE, həmçinin, 4G şəbəkəsini təqdim edib.

Daha ətraflı məlumat üçün [email protected] ünvanına müraciət edə bilərsiniz

Azərbaycanın mobil rabitə sənayesinin lideri və qeyri-neft sektorunun ən böyük sərmayədarı Azercell Telekom MMC 1996-cı ildə təsis edilib. Azərbaycanın mobil rabitə bazarındakı payı 48% olan Azercell-in şəbəkəsi ölkə ərazisinin 80%, əhalinin 99,8%-ni əhatə edir. Bu gün 4,5 mln nəfər Azercell-in xidmətlərinə seçir. Bir sıra innovativ texnologiya və konsepsiyaları ilk dəfə olaraq Azərbaycana Azercell gətirib: GSM texnologiyası, öncədən ödəmə sistemi, 24/7 Telefon Mərkəzi, onlayn müştəri xidmətləri, GPRS/EDGE, M2M, MobilBank, 1 nöqtədə 3 xidmət göstərən Azercell Ekspres ofisləri, mobil elektron xidməti “Asan İmza” və s. 2012-ci ildə Azercell ölkədə ilk 4-cü nəsl LTE xidmətini təqdim edib. Mobil şəbəkə keyfiyyətinin araşdırmasını aparan "Global Wireless Solutions" şirkətinin, eləcə də radio siqnalların şəbəkə keyfiyyətini ölçən “Opensignal” və “Testmy.net” kimi beynəlxalq sistemlərin nəticələrinə əsasən Azercell şəbəkəsi bir çox parametrlərə görə Azərbaycanın mobil operatorları arasında ən yüksək göstəricilər nümayiş etdirib.

Məqalədə:
Xəbər lenti

Xəbər lenti