Xızı rayonunda Telekommunikasiya qovşağının Trans-Asiya-Avropa fibrooptik maqistralına birləşdirilməsi üzrə işlər başa çatır. Aztelekom İB-dən Trend agentliyinə verilən məlumata görə, işlər avqustun ilk günlərində başa çatacaq.
İB-də həmçinin onu da bildiriblər ki, Xızı-Giləzi-Siyəzən istiqamətində xətt hazırda yeniləri ilə əvəz olunan dayaqlar vasitəsilə çəkiləcək.
Digər regionlarda belə xətlər yerin altı ilə çəkilib. İşlər başa çatdıqdan sonra məlumatın çatdırılma və rabitə xidmətlərinin keyfiyyəti son dərəcə yaxşılaşacaq.
Bundan başqa Əli-Bayramlı-Saatlı-İmişli-Beyləqan-Ağcabədi-Bərdə istiqamətində ümumi uzunluğu 283 km olan magistral inşa edilir. "Xəttin tikintisi cari iln sonuna qədər başa çatacaq",-deyə, İB-də bildiriblər.