2006-cı ildə Bakıda rabitənin elektronlaşdırılması prosesi başa çatacaq. Bakı Telefon Rabitəsi İB-dən Trend ə verilən məlumata görə, hazırda bu istiqamətdə fəal işlər görülür.
Müəssisədən verilən məlumata görə, bu proses gələn ilin birinci yarısının sonuna kimi davam edəcək.
Ölkədə rabitənin 74%-i elektronlaşdırılıb.
Hazırda dövlət strukturu tərəfindən 60/69 indeksli və koordinat tipli ATS elektronlaşdırılır. Stansiyalar təxminən 67 min nömrə tutumludur.
Layihənin növbəti mərhələsində isə 70-79 indeksli ATS-in elektronlaşdırılması planlaşdırılır.
İB-də o da qeyd olunub ki, stansiyalar elektronlaşdırıldıqda blokirator nömrəli abunəçilərin xətləri avtomatik olaraq sərbəstləşdirilir.
Bu tədbirlər 2004-2008-ci illərdə Azərbaycanda informasiya və kommunikasiya texnologiyalarının inkişafı üzrə dövlət proqramına müvafiq olaraq həyata keçirilir.